健身球喺常用嘅感統訓練工具，提供多個方向的前庭覺刺激，能夠協助訓練平衡力及姿勢控制，亦能調節小朋友的覺醒度。即使身在家中，都能輕鬆使用健身球進行簡單訓練，亦可以取代傳統座椅，提升專注度。
介紹幾個健身球嘅用法同作用：
1. 垂直彈跳
有冇人同筆者一樣，都覺得喺健身球上面彈，係一件好爽嘅事！其實喺因為佢提供咗大量嘅前庭覺刺激，好似玩緊一部迷你過山車咁。吸收強烈嘅前庭刺激，可以喺我哋冇乜精神嘅時候提升覺醒度，咁就唔會慢吞吞同攰癩癩嘞！
2. 重心轉移
我哋要令身體保持平衡，前庭覺喺不可或缺，佢負責偵測頭部嘅位置同移動，令身體能夠及時作出補償，避免跌倒。如果小朋友行動比較「論盡」，或者平衡力較差，有機會喺因為前庭覺嘅接收同處理做得唔好。呢個活動可以訓練前庭覺嘅靈敏度，作出準確嘅平衡動作，同埋運用核心肌群保持姿勢穩定，而且仲好刺激㗎！
3. 邊坐邊學
其實就算唔做啲咩，就咁用健身球當櫈坐，都已經好多益處。我哋需要長期運用核心肌群去保持平衡，同時能夠提升專注度，適合好動嘅小朋友，令佢哋坐定定做功課或者上網課。當佢哋想郁吓嘅時候，又可以好方便咁彈幾吓，或者前後左右搖動，滿足前庭覺需要，減低想離開座位嘅衝動，就算大人work from home都好啱用㗎！
除咗坐健身球，其實仲有好多嘅彈性座椅，都能夠提供適量嘅前庭刺激，提升專注度。
可到以下連結睇更多介紹 www.swingsensory.net/tool
Facebook: www.facebook.com/swingsensoryhk/
Instagram: www.instagram.com/swingsensory/
其他好文推介：
Comments