Kris
- 2022年9月3日
- 已讀 2 分鐘

游完水覺得浮吓浮吓？

已更新：2022年9月4日

🌻夏日熱辣辣，梗喺要出海玩好多好多水，獨木舟Wakesurf等等必玩啦！就算冇咁Active，起碼都要去泳池游番幾轉！玩完一日攰癩癩，一瞓上床，竟然覺得成個人好似浮吓浮吓咁！🤯唔通喺玩得太開心，所以個身體念念不忘？其實佢喺感官錯覺嘅其中一種！😵‍💫

話說上一個post提到，前庭覺(內耳)同埋視覺訊息喺互相合作，傳送到腦部互補同埋整合，理解身體嘅移動🤸，以及喺空間入面嘅相對位置。

🤷但原來事情唔喺咁簡單，單靠感官訊息(頭部移動&視覺景象)喺不足以令腦部明白所有身體動作。我哋嘅腦部其實收埋咗一個物理天才，將前庭覺、視覺等訊息作出運算➗✖️➖➕，判斷出準確嘅身體位置以及動向。要做到呢個功能，感官訊息會喺腦部暫時儲存一段時間(重要⭐)。

腦入面嘅物理天才計完一輪之後，能夠幫助我哋做好多事情！1️⃣佢能協助身體熟習新環境，例如我哋好難先可以喺船上面平穩咁行路，但過咗一段時間之後，腦部適應咗新嘅感官訊息，慢慢能夠容易平衡，好似船員咁可以健步如飛🏃。

2️⃣佢能夠協助我哋控制眼球，當我哋個頭移動嘅時候，其實喺靠眼睛同前庭覺之間嘅反射動作(VOR)，去令眼睛能夠穩定移動，唔會飛來飛去/郁過龍👀。

3️⃣佢可以幫助操控身體，喺突發情況時保持平衡，例如我哋輕輕跣親，身體都能夠即時反應並作出補償。

4️⃣能夠協助我哋導航及空間導向，例如判斷前後左右等方向、憑視覺估計到房間/物件嘅大小、對長短/距離嘅認知等等。喺日常生活入面，行街認路、做運動打波嘅時候都好需要呢種能力㗎！🤽

🌟至於點解玩完水瞓低會浮浮下，都有好多唔同嘅解釋。其中一個理論，就係話因為持續接收完重覆嘅前庭覺刺激，前庭覺訊息一直儲存喺腦部供運算用途，但當完成活動之後，唔再需要用呢啲感官訊息嘅時候，腦部未能將呢啲感官記憶清除🙈。所以，玩水時浮吓浮吓嘅感覺，就好似回音咁，不停不停Loop。而呢個感覺可以喺好輕微，所以喺身體靜止/瞓低嘅時候就好容易察覺到🛌。