梗喺用嚟刷鞋頭㗎啦！又冇話唔得嘅，不過佢真正嘅用途竟然喺咁⋯⋯仲可以救人一命？
呢啲感官提示，原來會不知不覺間影響我哋嘅行為同反應⋯⋯
筆者細細個嘅時候好鍾意伸鞋尖去啲毛毛度，掃吓掃吓嘅觸感喺幾舒服，同埋真係以為可以將個鞋頭刷乾淨。後尾先知道原來啲毛喺好污糟，刷到個鞋頭黑晒！我諗好多人都試過咁樣玩，但你又有冇一刻疑惑過，點解呢啲毛毛要存在？
電視廣告都成日話「搭扶手電梯要安全，大家都做到」，呢個廣告仲有一個畫面影住隻鞋屟(sip3)咗入梯級邊緣(黃色框框嘅位置)，都咪話唔驚驚！
咁好簡單啦，呢啲毛毛嘅作用就喺頂開你隻鞋，令佢屟唔倒入去囉！
BUT actually...呢啲毛毛嘅位置同硬度都唔足以防止物件進入梯級邊緣嘅罅隙。
其實電梯毛毛嘅真正作用，喺透過觸感，提示我哋遠離梯級邊緣
因為大部分人(唔包括細個嘅我)都唔鍾意掂住呢啲毛毛，而呢啲毛毛嘅觸感喺好難被忽視。
佢亦防止大家唔留神嘅時候，唔小心企得太近邊緣位置。想像一吓，喺你冇為意嘅時候，突然有毛鬙鬙(sang4)嘅嘢掃你隻腳，第一個反應一定喺縮埋隻腳，怕喺啲咩污糟嘢(or even worse - 昆蟲)掂倒你親愛嘅肌膚！呢個電梯毛毛喺令你不爽同令你驚驚之間，完美咁發揮到避免意外發生嘅作用！
關於感官提示，原來暗中影響我哋嘅行為⋯⋯
呢啲安全措施，都喺感官提示(sensory cue)嘅一種，我哋嘅身體會持續咁接收感官訊息，從中獲取有用嘅資料，令我哋認識周邊環境，並作出適當反應。電梯毛毛提供咗觸覺提示(haptic cue)，令我哋覺得企喺邊緣位置喺「唔舒服/唔安全」，從而作出反應去調整站立位置。梯級上面嘅黃色框框，就喺視覺提示(visual cue)，黃色容易令人察覺，而且會連繫到「注意/警告」嘅意思，從而會避開/企遠啲。
日常生活層面上，仲有唔少情況都會使用到感官提示，令我哋好自然咁作出唔同嘅反應。例如：
1. 電動車 人工引擎聲 (auditory cue)
電動車低速行走時十分寧靜，途人未能察覺車輛接近，在全球各地造成多宗交通意外。部分電動車已裝設警告系統 (Pedestrian Warning System)，於低速行走時發出人工引擎聲
2. 煤氣味 (olfactory cue)
煤氣本來是無味的，為防止漏煤氣時無人察覺，煤氣公司於生產時加入特殊氣味，確保安全
3. 餐廳音樂 (auditory cue)
大聲及節拍強勁的音樂，會令我們潛意識加快進食速度，提升餐廳翻桌率
4. 超市嘅環境佈置 (多種感官提示組合而成的environmental cue)
商店多數在收銀處堆滿商品，甚至以貨架間隔出排隊「蛇餅」，（如：某連鎖運動用品店/fast fashion店），增加看到貨品的機會，吸引人購買。另外還結合音樂等元素⋯⋯
5. 升降機/巴士關門嘅嘟嘟聲 (auditory cue)
大家以後不妨試試細心留意身邊嘅感官提示，諗吓呢啲感官資訊對我哋嘅行為有咩正面/負面嘅影響。而適當嘅環境設置，能夠調整環境嘅感官資訊，減低對我哋嘅滋擾，從而提升專注度及工作效率。喺調節情緒方面亦有好大作用！想知更多記得訂閱 SWING Sensory Facebook同Instagram喇！
其他好文推介：
留言