平時聽倒好多人講「感覺統合」，或者「感覺訊息處理」，知唔知道喺代表乜嘢呢？點解每個人嘅感官需要都有唔同？原來細路定大人都關事！
感覺訊息處理，喺身體對外來刺激嘅接收、分析、及作出適當反應嘅能力。好似我哋玩球類運動，首先用眼睛接收視覺訊息，得知球嘅位置。然後，我哋會分析球嘅速度同動向，以預計幾時要伸手接球。最後，我哋控制身體喺適當時候移動，準確咁接住個波。
無論細路定喺大人，都對唔同嘅感覺刺激有各自嘅喜好同埋需要，亦對唔同刺激嘅接受程度有所不同。例如點解有人搭車會暈浪，有啲人就會好好瞓 。有人鍾意飲凍嘢，但另一啲人鍾意熱茶。有人覺得打針唔痛、但有人會因此非常緊張。世上並無一種刺激喺所有人都鍾意，因為我哋每人嘅感覺訊息處理都有少少分別。
我哋嘅感覺系統就好似監察住周邊環境嘅感應器，協助我哋認識身邊嘅事物（例如小朋友認識生果嘅顏色）、確保人身安全（保持平衡、避開障礙物）、監測環境危害（聽到汽車引擎聲、響咹）。
有良好嘅感覺訊息處理能力，能夠令我哋對環境產生安全感，理解身體及空間嘅關係，亦能將專注力投放喺重要嘅地方上面，並保持情緒穩定，對成長同學習非常重要！
之後將會詳細講解每一個感覺系統點樣影響我哋日常生活以及發展。
唔想錯過嘅話，記住訂閱 SWING Sensory
其他好文推介：
Comments