搭過長途巴士或者去旅行坐火車，都好難唔瞓覺，聽落好似幾辛苦，但原來有唔少人都會瞓得好稔，甚至唔想落車！（筆者經常因為咁而過咗站）近期仲有人，特登搞咗個巴士瞓覺團，幾個鐘內已經book滿。巴士明明係chok吓chok吓，點解有啲人又會覺得好好瞓？
其實人類天生就鐘意搖動嘅感覺，試諗諗BB喊嘅時候，父母喺點樣抱佢去安撫佢？冇錯，同電視做嘅一樣，會好似搖船咁樣慢慢前後搖動。呢種感覺喺稱為「前庭覺」，喺我哋嘅內耳入面有唔同接收前庭覺嘅器官，偵測頭部位置以及動向。
自古以來，我哋好自然識得用搖動 (前庭覺)，去令自己放鬆以及舒緩情緒。除咗父母抱住BB搖船，我哋仲鐘意騎公園嘅馬仔、搖韆鞦、玩過山車、或者去IKEA坐搖搖櫈。呢啲活動都帶俾我哋前庭覺刺激，對情緒有好大影響。
以緩慢穩定速度，慢慢前後/左右咁直線搖動，喺最能夠令人放鬆
但喺，並非所有嘅前庭覺刺激都可以令人放鬆。通常以緩慢穩定速度，慢慢前後/左右咁直線搖動，喺最能夠令人放鬆。（我諗冇人玩緊過山車嘅時候喺覺得放鬆）反之，變化不定、轉速轉向嘅搖動，會令我哋比較警覺。
講番點解會巴士瞓覺團喺真喺好瞓，主要喺因為佢大部分路程都喺行喺平坦嘅高速公路上面，好少機會需要轉彎、停車開車，乘客嘅頭部就能夠保持較穩定嘅位置。車身喺行車時嘅震盪相對穩定，有種拋吓拋吓嘅感覺，近乎有節奏嘅搖動，所以有令人放鬆嘅效果。
要喺日常生活入面應用，有幾個唔同嘅方法。如果屋企有位，可以放張細嘅吊床/吊椅 (下面睇介紹)，冇乜位嘅可以用 健身球 (文章介紹) 或者 搖搖椅。
即使唔用任何工具，做瑜珈以及跳健身舞都可以有舒緩情緒嘅效果，因為某啲都會令頭部有直線搖動，之後會介紹一啲啱用嘅運動動作。
想知更多記住訂閱 SWING Sensory
前庭覺工具例子：
其他好文推介：
References:
[1] Sailesh Kumar Sai, Mukkadan JK, AK Shetty, AK Shetty. Can Controlled Vestibular Stimulation reduce stress – A Review. Health sciences. 2013;2(3):js001.
[2] Sailesh Kumar Sai, JK Mukkadan. Controlled Vestibular Stimulation: a novel treatment for insomnia. International Journal of Health Sciences and Research. 2013;3(11):127–34.
Comentarios